სალომე სამადაშვილი - ქეთევან წამებულის მოწამეობრივ აღსრულებასა და პარლამენტში მანდატების აღებასთან დაკავშირებით სხვა ადამიანმა გააკეთა შედარება და გერმანიის ელჩმა იხუმრა

გერმანიის ელჩმა იხუმრა იმაზე, რაც იყო ნათქვამი. ანუ, ქეთევან წამებულის მოწამეობრივ აღსრულებასა და პარლამენტში მანდატების აღების შედარებასთან დაკავშირებით. სხვა ადამიანმა გააკეთა ეს შედარება და ელჩმა იხუმრა , - ამის შესახებ "პალიტრნიუსის" გადაცემა "360 გრადუსის" ეთერში "ნაციონალური მოძრაობის" წევრმა სალომე სამადაშვილმა განაცხადა.

მისივე თქმით, დასაფასებელია ის მცდელობა, რომელსაც ფასილიტატორი ელჩები შეთანხმების მიღწევის მიზნით ეწევიან.

"შეთანხმება უნდა მოხდეს მხარეებს შორის, ჩვენ ნაცვლად ვერავინ მიაღწევს. მე თუ არ ვცდები, გერმანიის ელჩმა იხუმრა, იმასთან დაკავშირებით, რომ შედარება მოხდა, თითქოს, ქეთევან წამებულის წამებასაც ესწრებოდნენ ელჩები და არაფერი უთქვამთო. მან იხუმრა იმაზე რაც იყო ნათქვამი. ქეთევან წამებულის მოწამეობრივ აღსრულებასთან და პარლამენტში მანდატების აღებასთან დაკავშირებით, სხვა ადამიანმა გააკეთა ეს შედარება და ელჩმა იხუმრა. შეგვიძლია ვთქვათ, რომ ეს არ იყო დროული ხუმრობა, რომ ჩვენ ასეთ დაძაბულ ვითარებაში არ გვაქვს ხუმრობის დრო, დავუბრუნდეთ რეალურ პრობლემებს, რომელიც სერიოზულია", - განაცხადა სალომე სამადაშვილმა.

ინფორმაციისთვის, გერმანიის ელჩმა ჰუბერტ ქნირშმა​ "იმედის კვირასთან'' ინტერვიუში ოპოზიციის განცხადებებთან დაკავშირებით დასმულ კითხვას უპასუხა. როგორც ელჩმა აღნიშნა, "მგონი, პრიზები უნდა დავაწესოთ ყველაზე ეგზოტიკური და ფანტაზიით აღსავსე გამონათქვამებისთვის".

„ვფიქრობ, ასეთი განცხადებები ძალიან სერიოზულად არ უნდა აღვიქვათ. მგონი, პრიზები უნდა დავაწესოთ ყველაზე ეგზოტიკური და ფანტაზიით აღსავსე გამონათქვამებისთვის. პირადად ჩემი ფავორიტია ოპოზიციის შედარების იდეა ქეთევან წამებულთან, რომ ოპოზიციას აწამებენ დიპლომატების თანდასწრებით, რომლებიც მისგან მოელიან იმ საშინელი რამის გაკეთებას, რისთვისაც თავად გააკეთა განაცხადი და ეს არის პარლამენტში შესვლა. მინდა მედიასაც ვთხოვო: ყველაფერი, რასაც იტყვიან, იქნებ არ გადავაქციოთ დიდ მოვლენად, რომელზეც დღეების განმავლობაში იქნება საუბარი“, – განაცხადა ელჩმა.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან