გერმანიის ჯანდაცვის მინისტრი - ჩვენი მიზანია ვაქცინა შობამდე დამტკიცდეს

გერმანიის ჯანდაცვის მინისტრი იენს შპანი „ევროპის წამლის სააგენტოს“ მოუწოდებს, ამერიკული კომპანია Pfizer-სა და გერმანული BioNTech -ის მიერ შექმნილი კორონავირუსის საწინააღმდეგო ვაქცინა შობამდე დაამტკიცოს, - ამის შესახებ ინფორმაციას CNN-ი ავრცელებს.

„ჩვენი მიზანია ვაქცინა შობამდე დამტკიცდეს, რაც ვაქცინაციის დაწყებას მიმდინარე წლიდანვე შესაძლებელს გახდის, თუმცა საბოლოო გადაწყვეტილება „ევროპის წამლის სააგენტომ“ უნდა მიიღოს,“- განაცხადა იენს შპანმა.

CNN-ის ინფორმაციით, გერმანიის მთავრობას იმის გამო აკრიტიკებენ, რომ გერმანული კომპანიის თანამონაწილეობით შექმნილ ვაქცინას სხვა ქვეყნებმა გადაუდებელი გამოყენების ავტორიზაცია უკვე მიანიჭეს, რაც, ევროკავშირში ამ დრომდე ვერ მოხერხდა.

„გერმანიის საავადმყოფოების ასოციაციამ“ განცხადება გავრცელა, სადაც აღნიშნულია, რომ „ევროპის წამლის სააგენტომ“ ამ დრომდე ვერ მოახერხა ვაქცინისთვის ავტორიზაციის მინიჭება, „ამერიკის სურსათისა და მედიკამენტების სააგენტომ“ კი გაცილებით მცირე დროში დაამტკიცა ვაქცინა.

„თუკი პროცესი კიდევ გაჭიანურდება, გერმანიის მთავრობამ ვაქცინისთვის ავტორიზაციის ეროვნულ დონეზე მინიჭების საჭიროების საკითხი უნდა განიხილოს,“- აცხადებენ „გერმანიის საავადმყოფოების ასოციაციაში“.

ცნობისათვის, „ჯონს ჰოპკინსის უნივერსტიტეტის“ მონაცემების თანახმად, გერმანიაში, პანდემიის დაწყების დროიდან, კორონავირუსის 1.35 მილიონი შემთხვევაა დადასტურებული, ვირუსით დაღუპულთა რაოდენობა კი 22 000-ს აჭარბებს.

იხილეთ ვიდეო:გერმანიის ჯანდაცვის მინისტრი - ჩვენი მიზანია ვაქცინა შობამდე დამტკიცდეს

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა