ივანე მაჭავარიანი აცხადებს, რომ საგადასახადო შეღავათები ეკონომიკისთვის ცუდია

ფინანსთა მინისტრის მოვალეობის შემსრულებელი ივანე მაჭავარიანი აცხადებს, რომ საგადასახადო შეღავათები ეკონომიკისთვის ცუდია. როგორც მინისტრმა საკითხის კომენტირებისას აღნიშნა, მთავრობა ბიზნესს მაქსიმალურად დაუდგა გვერდით, თუმცა არ ემხრობა ცალკეული სექტორების მიხედვით საგადასახადო შეღავათებს. მისივე თქმით, წარსულში დაწესებული შეღავათები ერთიანად ვერ გაუქმდება, თუმცა უნდა მოხდეს შეფასება თუ სადაა საგადასახადო შეღავათის მოხსნის რესურსი.

„ჩვენ ძალიან ღრმა ანალიზი გავაკეთეთ ზოგადად საგადასახადო შეღავათების შესახებ და ყველა ეკონომისტი თანხმდება, რომ შეღავათები არაა სწორი და ეფექტური მექანიზმი ეკონომიკის ან ბიზნესის წასახალისებლად. ესაა კონკრეტული სექტორის წახალისება სხვა სექტორების ხარჯზე. ეკონომიკაში მნიშვნელოვანია, რომ გადასახადები თანაბრად იყოს გადანაწილებული სხვადასხვა სექტორსა და პროდუქტზე, რათა ნაკლებად მოხდეს ე.წ. გამრუდება. მომხმარებლის ქცევის ცვლილება არ უნდა გამოიწვიოს საგადასახადო პოლიტიკამ. შესაბამისად, ზოგადად ვართ ძალიან კონსერვატორები შეღავათებზე. იდეალური შემთხვევა იქნებოდა, რომ მაქსიმალურად თანაბრად ხდებოდეს ყველა სექტორის დაბეგვრა, მინიმალური იყოს ჩრდილოვანი სექტორი და მერე ზოგადად შეიძლება ვისაუბროთ გადასახადის დონესა და მის დაწევაზე.

დაბალი გადასახადები ცუდი ფენომენი არაა, მაგრამ სხვადასხვა სექტორების სხვადასხვა წესით დაბეგვრა ძალიან ცუდია, არა მარტო ფისკალურად, არამედ ზოგადად ეს ეკონომიკის ზრდის პოტენციალს აფერხებს და არასწორი ქცევისკენ უბიძგებს მომხმარებლებს. შესაბამისად, ჩვენ არ ვემხრობით სექტორების მიხედვით ცალკეულ შეღავათებს. არის წარსულის მემკვიდრეობა, სხვადასხვა დროს სხვადასხვა ტიპის შეღავათები დაწესდა, დღეს ერთი ხელის მოსმით ამ შეღავათების გაუქმება შეუძლებელია, მაგრამ ჩვენ შეგვიძლია, რომ ახალი შეღავათები მაინც არ დავაწესოთ, ძველ შეღავათებს მივუბრუნდეთ და ვნახოთ სადაა რესურსი, რომ მოიხსნას და მაქსიმალურად გათანაბრდეს საგადასახადო ტვირთი ყველა სექტორისთვის“,-აღნიშნა ივანე მაჭავარიანმა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით