პარლამენტის დიასპორისა და კავკასიის საკითხთა კომიტეტში პირველი საორგანიზაციო სხდომა გაიმართა.
სხდომაზე კომიტეტის თავმჯდომარის მოადგილეები აირჩიეს. კომიტეტის თავმჯდომარის პირველ მოადგილედ დეპუტატებმა მხარი გივი ჭიჭინაძის კანდიდატურას დაუჭირეს. მოადგილედ კი, უმრავლესობის კვოტით, დავით კაჭარავა აირჩიეს.
სხდომაზე ასევე შეიმუშავეს და დაამტკიცეს კომიტეტის დებულება.
დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ კოლეგებს წინა მოწვევის პარლამენტში კომიტეტის მიერ გაწეული საქმიანობა გააცნო.