პრეზიდენტი დაჭრილ მეომრებსა და ვეტერანებს - თქვენ ყველგან იჩენთ სიმამაცესა და იმ თავდადებას, რომელიც იყო და ყოველთვის იქნება ქართველობის ნიშანი

საქართველოს პრეზიდენტი სალომე ზურაბიშვილი დღეს ,,დაჭრილ მებრძოლთა თანადგომის ფონდის“ 2020 წლის ანგარიშის პრეზენტაციას დაესწრო, რომელიც პანდემიის გამო ნაწილობრივ ონლაინფორმატში გაიმართა. ამის შესახებ ინფორმაციას პრეზიდენტის ადმინისტრაციის პრესსამსახური ავრცელებს.

მათი ინფორმაციით, სალომე ზურაბიშვილმა მისი პირადი და ქართული საზოგადოების სახელით დაჭრილ მეომრებსა და ვეტერანებს უდიდესი მადლობა გადაუხადა და აღნიშნა, რომ საზოგადოება მათ მიმართ მადლიერებას ყოველდღიურად უნდა გამოხატავდეს.

,,თქვენ, რეალურად, იმ ძალიან ძველი ქართული ტრადიციისა და ქართული შემართების გაგრძელებას წარმოადგენთ, რომელმაც ამ ქვეყანას საშუალება მისცა გამკლავებოდა ყველა მტერს და დღემდე მოსულიყო თავისი გამარჯვებებით. თქვენ წარმოადგენთ ამის გაგრძელებას ჩვენი ტერიტორიების დაცვისათვის ბრძოლასა თუ საერთაშორისო მისიებში, თქვენ ყველგან იჩენთ სიმამაცესა და იმ თავდადებას, რომელიც იყო და ყოველთვის იქნება ქართველობის ნიშანი!

ძალიან დიდი მადლობა იმისათვის, რომ თქვენ წარმოადგენთ მაგალითს მომავალი თაობებისთვის: თუ როგორი უნდა იყოს ღირსეული მოქალაქე, რომელიც დღეს ამ ქვეყანას სჭირდება! და თავად საზოგადოება კი, ამ ღირსეული მოქალაქეების მიმართ ყოველდღიურად მადლობას უნდა იხდიდეს.

ყველას ძალიან დიდი მადლობა დღევანდელი დღისთვის: კერძო ბიზნესს, რომელიც ამ საქმიანობის ერთ-ერთი ძალიან მძლავრი მონაწილეა, უცხოელებსა და დიპლომატიურ კორპუსს, რომლებიც ასევე ეხმარება ამ ფონდს და ჩვენ დაჭრილ მეომრებს“,- განაცხადა საქართველოს პრეზიდენტმა.

პრესსამსახურის ცნობით, ონლაინრეჟიმში ანგარიშის წარდგენას ესწრებოდნენ: დიპლომატიური კორპუსის წარმომადგენლები, ელჩები და სამხედრო ატაშეები, ევროკავშირის ელჩი, საქართველოს ბიზნესასოციაციის, საქართველოს საბანკო ასოციაციის წევრები, ქალთა ასოციაცია და საზოგადოების სხვადასხვა სფეროს წარმომადგენლები.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო