რევაზ სოხაძე აფრიკის დასახლებაში შენობების დემონტაჟზე -  მუნიციპალიტეტი კანონის ფარგლებში მოქმედებს

თბილისის საკრებულოს სხდომაზე ურბანული დაგეგმარების და საქალაქო მეურნეობის კომისიის თავმჯდომარე რევაზ სოხაძე აფრიკის დასახლებაში მერიის შესაბამისი სამსახურების მიერ, შენობების დემონტაჟს გამოეხმაურა.

მისი განცხადებით, მუნიციპალიტეტი კანონის ფარგლებში მოქმედებს და კანონი ყველასათვის ერთი უნდა იყოს. რევაზ სოხაძის თქმით, სახელმწიფო მიწის დატაცება ხდება, რაც მიუღებელია.

„ჩვენ კარგად უნდა გვესმოდეს, რომ ადამიანები სჩადიან დანაშაულს. ხდება სახელმწიფო მიწის უკანონოდ დატაცება, რაც მიუღებელია. რამდენადაც ჩემთვის ცნობილია, ეს პროცესი მიმდინარეობს ყოველდღიურ რეჟიმში, რეაგირება ხდება მუდმივად. სანამ დემონტაჟი განხორციელდება, უკანონო შენობების მეპატრონეებს აფრთხილებენ, გონივრულ ვადას აძლევენ, რომ თავად მოახდინონ დემონტაჟი, შემდეგი ეტაპია დაჯარიმება და ამის შემდეგ მუნიციპალიტეტი უკვე თავად აწარმოებს დემონტაჟს“, - განაცხადა რევაზ სოხაძემ.

მისივე განცხადებით, ამ შენობების 90% დაკეტილია, იქ არავინ ცხოვრობს. საკრებულოს წევრის თქმით, კანონი უნდა აღსრულდეს.

„ეს არასწორი მოლიდინია. არ შეიძლება საზოგადოების ერთი ნაწილი კანონიერი გზით ყიდულობდეს ქონებას, ხოლო მეორე ნაწილი უბრალოდ მიტაცების გზით ახერხებდეს ამას. ალბათ, არის რაღაც ჯგუფი, ვისაც ბიზნესად აქვს ქცეული ეს საქმიანობა. ეს სახლები ერთ ღამეში აშენებულია უმეტესად. აქ არის კიდევ ერთი საფრთხე. მშენებლობები ყოველგვარი სამშენებლო ნორმების დარღვევით მიმდინარეობს, არავინ არის სახლების უსაფრთხოებაზე პასუხისმგებელი. ყოფილა შემთხვევები, რომ ქარსაც კი დაუზიანებია და დაუნგრევია ასე აშენებული სახლები“, - განაცხადა რევაზ სოხაძემ, რომლის კომენტარსაც საკრებულოს პრესსამსახური ავრცელებს.

ცნობისთვის, აფრიკის დასახლებაში, თბილისის მერიამ მშენებლობების დემონტაჟი დაიწყო, რასაც სამართალდამცავებსა და მოსახლეობას შორის დაპირისპირება მოჰყვა. ამ დროისთვის მომხდარი დაპირისპირების შედეგად 8 ადამიანია დაკავებული.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან