"თბილისი ენერჯი" - წერეთლის გამზირზე ერთ-ერთი კორპუსი აფეთქებას გადაურჩა

წერეთლის გამზირზე ერთ-ერთი კორპუსი აფეთქებას გადაურჩა. ამის შესახებ ინფორმაციას "თბილისი ენერჯი" ავრცელებს.

როგორც კომპანია აღნიშნავს, წერეთლის გამზირის #55-ში, პირველ სართულზე მდებარე კომერციულ ობიექტში, რეზინის მილი ღია მდგომარეობაში იყო, საიდანაც გაზი ჟონავდა.

"თბილისი ენერჯი" მოქალაქეებს მოუწოდებს, გამოიჩინონ მეტი პასუხისმგებლობა და ყურადღება.

"დაუდევრობა თუ უყურადღებობა? ნებისმიერ შემთხვევაში დედაქალაქში კიდევ ერთი საცხოვრებელი კორპუსი გადაურჩა აფეთქებას. დიდუბის რაიონში, წერეთლის გამზირზე ერთ-ერთი კორპუსის პირველ სართულზე მდებარე კომერციულ ობიექტში, "თბილისი ენერჯის" სწრაფი რეაგირების სამსახურის სპეციალისტებს ასეთი სურათი დახვდათ – რეზინის მილი, რომელიც არცერთ დანადგარზე არ იყო დაერთებული ღია მდგომარეობაში იყო, საიდანაც გაზი ჟონავდა. სასწრაფოდ გადაიკეტა გაზის ონკანები და ფართი განიავდა. ამ ამბავში საინტერესო ის არის, რომ ფართში, ობიექტის თანამშრომლები იმყოფებოდნენ. აღმოჩნდა, რომ გაზის სუნის შესახებ ეს ადამიანები წინა დღეს მეზობელმაც გააფრთხილა. თუმცა "თბილისი ენერჯის" ცხელ ხაზზე შეტყობინება მხოლოდ დღეს შემოვიდა. კომპანია „თბილისი ენერჯი" კიდევ ერთხელ გთხოვთ – გამოიჩინეთ მეტი პასუხისმგებლობა და იყავით ყურადღებით. თქვენს ქმედებაზე ადამიანების ჯანმრთელობა და სიცოცხლეა დამოკიდებული. უარი თქვით კუსტარულ გაზგაყვანილობაზე, მკვლელ, ღია წვის კამერიან დანადგარებზე და არ დატოვოთ დანადგარები უყურადღებოდ" ,- ნათქვამია "თბილისი ენერჯის" მიერ გავრცელებულ ინფორმაციაში.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან