აფრიკის დასახლებაში, სადაც გუშინ შენობა-ნაგებობების დემონტაჟი განხორციელდა, ადგილობრივი მოსახლეობა იკრიბება

აფრიკის დასახლებაში ადგილობრივი მოსახლეობა იკრიბება. ტერიტორიაზე იმყოფებიან ის პირები, რომელთა შენობა-ნაგებობის დემონტაჟიც განხორციელდა.

ადგილობრივები მხარდაჭერას უცხადებენ იმ პირებს, რომელთა შენობების დემონტაჟი გუშინ თბილისის მერიამ განახორციელა, ასევე მოითხოვენ იმ პირის გათავისუფლებას, რომელიც გუშინ დააკვეს.

როგორც ადგილობრივები აცხდებენ, აქციები იქამდე გაგრძელდება, ვიდრე მათი მოთხოვნები არ დაკმაყოფილდება.

შეგახსენებთ, რომ 15 დეკემბერს, თბილისის მერიამ აფრიკის დასახლებაში 12-მდე შენობა-ნაგებობის დემონტაჟი მოახდინა, რასაც ადგილობრივებთან დაპირისპირება მოჰყვა.

თბილისის მერიის ინფორმაციით, ჩატარებული ინსპექტირების შედეგად, სახელმწიფოს საკუთრებაში არსებულ მიწის ნაკვეთზე, სამშენებლო სამართალდარღვევის 12 ფაქტი გამოვლინდა, რომელზეც თბილისის მუნიციპალურმა ინსპექციამ მიმდინარე წელს მოკვლევა დაიწყო. მოკვლევის შედეგად დადგინდა, რომ აღნიშნულ მისამართზე შენობა-ნაგებობები უნებართვოდ იყო განთავსებული. მერიის ინფორმაციით, მუნიციპალურმა ინსპექციამ მერის დავალებით, მათი დემონტაჟის პროცესი დაიწყო.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს