აშშ-ის ახალი სანქციების მიზანია, თურქეთის მიერ თავდაცვის ინდუსტრიაში მიღწეული პროგრესი დაბლოკოს და ქვეყანა კიდევ ერთხელ დამოკიდებული გახადოს,– ამის შესახებ თურქეთის პრეზიდენტმა, რეჯეფ თაიფ ერდოღანმა აშშ-ის მიერ თურქეთის წინააღმდეგ რუსეთის სარაკეტო თავდაცვის სისტემის შესყიდვის გამო დაწესებულ სანქციებზე კომენტირებისას განაცხადა.

მისივე თქმით, სანქციები თურქეთის სუვერენულ უფლებებზე ღიად თავდასხმის განხორციელებაა.

„2017 წლიდან ეს სანქციები, CAATSA, თურქეთის გარდა არცერთი ქვეყნის წინააღმდეგ არ დაუწესებიათ. ეს ჩვენს ქვეყანას, ნატო-ს წევრს, პირველად დაუწესეს. როგორი ალიანსია ეს? ეს გადაწყვეტილება არის ღიად მტრული თავდასხმა ჩვენი ქვეყნის სუვერენული უფლებების წინააღმდეგ“, - განაცხადა ერდოღანმა.

შეგახსენებთ, აშშ-მ თურქეთს რუსეთის სარაკეტო თავდაცვის სისტემის 400-ის შესყიდვის გამო სანქციები დაუწესა.