სომხეთის ოპოზიცია 22 დეკემბერს საყოველთაო ეროვნული საპროტესტო აქციისთვის ემზადება, მას შემდეგ, როგორც კი მთიან ყარაბაღში დაღუპულთა პატივსაცემად სამდღიანი - 19-21 დეკემბრამდე გამოცხადებული გლოვა დასრულდება. ამის შესახებ დღევანდელ მიტინგზე ოპოზიციური პარტია „დაშნაკცუტუნის“ წარმომადგენელმა იშხან საგატელიანმა განაცხადა.
„19 დეკემბერს ჩვენ ორგანიზებას გავუწევთ და ჩავატარებთ სამგლოვიარო მსვლელობას ჩვენი დაღუპული გმირების პატივსაცემად. გლოვის დასრულებისთანავე, სამშაბათს საყოველთაო ეროვნული გაფიცვა გაიმართება. ყველას მოვუწოდებთ, შემოგვიერთდნენ“, - განაცხადა საგატელიანმა.
სომხეთში საპროტესტო აქციები პრემიერ-მინისტრ ნიკოლ ფაშინიანისა და მისი მთავრობის გადადგომის მოთხოვნით იმართება.