იაპონიაში დიდთოვლობამ პრობლემები შექმნა, - ამის შესახებ ინფორმაციას Reuters-ი ავრცელებს.სააგენტოს ცნობით, ქვეყნის ცენტრალურ ნაწილსა და ჩრდილოეთ სანაპიროს გასწვრივ მოსახლეობის ნაწილი იზოლაციაშია მოქცეული, 10 000-მდე ოჯახი კი ელექტროენერგიის გარეშეა დარჩენილი.

განსაკუთრებით რთული მდგომარეობაა ნიიგატასა და გუნმას პრეფექტურებში, სადაც ბოლო სამი დღის განმავლობაში თოვლის სიმაღლემ დაახლოებით 2 მეტრს მიაღწია.

შექმნილ სიტუაციასთან დაკავშირებით შესაბამისი მინისტრები და სამსახურები დღეს საგანგებო სხდომას გამართავენ, რომელსაც იაპონიის პრემიერ-მინისტრი იოშიჰიდე სუგაც დაესწრება.

იხილეთ ვიდეო:იაპონიაში დიდთოვლობის გამო ათასობით ოჯახი ელექტროენერგიის გარეშეა დარჩენილი