იური ნოზაძემ და USAID-ის მისიის დირექტორმა კარტოფილის სექტორის განვითარების საერთაშორისო მიდგომები განიხილეს

გარემოს დაცვისა და სოფლის მეურნეობის მინისტრის მოადგილემ, იური ნოზაძემ და USAID-ის მისიის დირექტორმა, პიტერ ვიბლერმა ონლაინ შეხვედრაზე საქართველოში კარტოფილის სექტორის განვითარების საერთაშორისო მიდგომები განიხილეს. ამის შესახებ „ინტერპრესნიუსს“ უწყების პრესსამსახურიდან აცნობეს.

მათი ინფორმაციით, ონლაინ შეხვედრაზე მინისტრის მოადგილემ აღნიშნა, რომ მეკარტოფილეობის სისტემური განვითარების ახალ ეტაპზე გადასასვლელად კარტოფილის საერთაშორისო ცენტრი (CIP) ახალ ინიციატივას იწყებს და საქართველოს კარტოფილის ფორუმის შექმნას გეგმავს, რაც ხელს შეუწყობს ქვეყანაში კარტოფილის სექტორის გაძლიერებას და საჭირო ინსტიტუციური ცვლილებების განხორციელებას, რაც კარტოფილის მინდვრიდან ბაზარზე გატანას უზრუნველყოფს.

„კარტოფილის საერთაშორისო ცენტრთან (CIP) ჩვენს სამინისტროს და კერძო სექტორს თანამშრომლობის ძალიან კარგი პრაქტიკა აქვს. სწორედ ამ მჭიდრო თანამშრომლობის შედეგია, რომ ქვეყანაში მყარად ვითარდება მეკარტოფილეობის დარგი, ინერგება ახალი ტექნოლოგიები და ჩნდება კარტოფილის ახალი ჯიშები. მთავრობა მხარს უჭერს და ხელმძღვანელობს კარტოფილის ფორუმის ჩამოყალიბებას, საქართველოში კარტოფილის სექტორში მდგრადობისა და მომგებიანობის გასაუმჯობესებლად“, - განაცხადა იური ნოზაძემ.

როგორც შეხვედრაზე USAID-ის მისიის დირექტორმა, პიტერ ვიბლერმა აღნიშნა, საქართველოში ფერმერები მრავალი გამოწვევის წინაშე დგანან.

„მონაწილეობრივი საბაზრო ჯაჭვის მიდგომების (PMCA) დანერგვა და მხარდაჭერა ხელს შეუწყობს ფერმერებს საქართველოს ბაზარზე აწარმოონ სათანადო ხარისხისა და რაოდენობის კარტოფილი. ფორუმის შექმნის შედეგად, მივიღებთ მაღალი ხარისხის კარტოფილს და გაზრდილ შემოსავლებს. კარტოფილის სექტორის განვითარების გაგრძელება საქართველოს მთავრობის, ფერმერების, კერძო სექტორის ინვესტორების და სხვა საერთაშორისო დონორების პარტნიორობაზეა დამოკიდებული“, - განაცხადა პიტერ ვიბლერმა.

გარემოს დაცვისა და სოფლის მეურნეობის სამინისტროს ცნობით, აშშ-ს საერთაშორისო განვითარების სააგენტოს (USAID) და ავსტრიის განვითარების სააგენტოს ფინანსური მხარდაჭერით, საქართველოს კარტოფილის ფორუმი ყურადღებას გაამახვილებს ისეთ სფეროებზე, სადაც წარმოებისა და ტექნოლოგიური ინოვაციების მიმართ უფრო დინამიური შესაძლებლობები შეიქმნება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით