ზურაბ ჯაფარიძე ირაკლი კობახიძის განცხადებაზე - ეს ოპოზიციაზე ზეწოლის მცდელობაა, რომ რამენაირად შეიტყუონ პარლამენტში, მაგრამ საბოლოო ჯამში კარგია, რადგან ბიუჯეტზე არ იქნებიან ჩამოკიდებული

ეს არის ოპოზიციაზე ზეწოლის მცდელობა, რომ რამენაირად შეიტყუონ პარლამენტში, მაგრამ ჯამში მგონია, რომ ოპოზიციისთვის ეს არის კარგი, - ამის შესახებ "გირჩის" ლიდერმა ზურა ჯაფარიძემ ჟურნალისტებთან მმართველი პარტიის მიერ პარტიების დაფინანსების წესის ცვლილებასთან დაკავშირებით განუცხადა, რომლის თანახმად საბიუჯეტო დაფინანსება გაუუქმდებათ და შეუწყდებათ იმ პარტიებს, რომლებიც პარლამენტში მანდატებს სრულად არ აითვისებენ.

ჯაფარიძე მიიჩნევს, რომ ზოგადად, დაფინანსების სისტემა გასაუქმებელია და პარტიები ბიუჯეტის დაფინანსებას არ უნდა იღებდნენ.

"საბიუჯეტო დაფინანსებას მე არ მივიღებდი არც ერთ შემთხვევაში - არც ისე, არც ასე, ამიტომ ნაკლებად მაღელვებს ეს საკითხი. ზოგადად მგონია, რომ ეს არის ოპოზიციაზე ზეწოლის მცდელობა, რომ რამენაირად შეიტყუონ პარლამენტში, მაგრამ ჯამში, მგონია, რომ ოპოზიციისთვის ეს არის კარგი, რადგან ბიუჯეტზე არ იქნებიან ჩამოკიდებული. ჩემი აზრით ეს სისტემა მაინც გასაუქმებელია, დაფინანსების სისტემაც, უფასო რეკლამაც და ყველა ბენეფიტი არის ჩასახსნელი, პარტიებმა თვითონ უნდა შეძლონ საკუთარი თავის შენახვა ისევე, როგორც მე ვაკეთებ", - განაცხადა ჯაფარიძემ.

ის ასევე გამოეხმაურა საკანონმდებლო ინიციატივას, რომლის თანახმად, საარჩევნო რეგისტრაცია შეუწყდება იმ პარტიას, რომლის საარჩევნო კამპანიაში უცხო ქვეყნის მოქალაქე მონაწილეობს. ჯაფარიძე აცხადებს, რომ ეს "ნაციონალურ მოძრაობაზე" ზეწოლის მცდელობაა.

"პარტიას რეგისტრაცია გაუუქმო იმიტომ, რომ მისი ლიდერი, რომელიც ქვეყნიდან არის წასული, რაღაცას ლაპარაკობს და იმას ლაპარაკი აუკრძალო, თორემ აქ პარტიას რეგისტრაციას გავუუქმებ, ჩემი აზრით, არის სრული სიგიჟე, სისულელეა, სასაცილოა - უკრძალავ ხმა არ ამოიღოო. ეს მიზანი ჰქონდა, რომ თავის ჭკუით „ნაციონალურ მოძრაობაზე“ ახდენენ გავლენას, რომ „ნაციონალური მოძრაობა“ შევიდეს პარლამენტში,"- განაცხადა ჯაფარიძემ.

ცნობისთვის, საპარლამენტო უმრავლესობის ლიდერი ირაკლი კობახიძის განცხადებით, პარლამენტში ინიციატივის წესით შევიდა კანონპროექტების პაკეტი, რომლებიც ითვალისწინებს დაფინანსების შეწყვეტასა და შეჩერებას იმ პარტიებისთვის, რომლებიც სრულად არ ითვისებენ მანდატებს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან