ივნისიდან სამინისტროში არასრულწლოვნების საქმეთა მთავარი სამმართველო ამოქმედდა, რომელიც სპეციალიზებული გამომძიებლებითა და დეტექტივებითაა დაკომპლექტებული- ამის შესახებ შს მინისტრის მოვალეობის შემსრულებელმა ვახტანგ გომელაურმა, სამინისტროს ანგარიშის წარდდგენისას განაცხადა.
მისივე თქმით, მათთვის ადამიანის უფლებების დაცვა კვლავ რჩება ერთ-ერთ მნიშვნელოვან პრიორიტეტად.
"შინაგან საქმეთა სამინისტრო აგრძელებს არასრულწლოვნის ინტერესებზე მორგებული გარემოს შექმნაზე მუშაობას. სამინისტროს ადმინისტრაციულ შენობებში UNICEF კონცეფციის და რეკომენდაციების შესაბამისად შეიქმნა ბავშვზე მორგებული გარემო.
ჩვენი ინიციატივით, 2020 წელს მიღებული კანონი „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“, რის შედეგადაც გამკაცრდა არასრულწლოვნის მიმართ ჩადენილი სქესობრივი ძალადობისთვის სასჯელი, ასევე, შეიქმნა აღნიშნული დანაშაულის პრევენციის მიზნით მოძალადეთა მონიტორინგის მექანიზმები", - განაცხადა გომელაურმა.