პარტია „სამართლიანობისთვის“ ლიდერის, ეკა ბესელიას განცხადებით, „ქართული ოცნება" ივანიშვილის გარეშე, კობახიძის ამარა დატოვებული, როგორც პროექტი, დასრულდება. ამის შესახებ ბესელიამ ჟურნალისტებთან განაცხადა.
მისივე თქმით, ივანიშვილს ტვირთის ტარება და ამ გარემოცვაში ყოფნა, რომ აღარ უნდოდეს, გასაკვირი არაა.
„ჩემთვის მოულოდნელი არ იქნება, რადგან ივანიშვილს მათ შორის ჩემთანაც ნათქვამი ჰქონდა, რომ პარტიიდან წასვლას, პოლიტიკიდან დისტანცირებას აპირებდა. რამდენად მოხდება ეს რეალურად, ანუ სრულად რამდენად დისტანცირდება ეს მეორე საკითხია, თუმცა, პირველ რიგში, საყურადღებო, რომ „ქართული ოცნება" ივანიშვილის გარეშე, კობახიძის ამარა დატოვებული, როგორც პროექტი დასრულდება. „ქართული ოცნების" ამომრჩევლისთვის ივანიშვილის გარეშე „ქართული ოცნება" არ არსებობს. ის, რომ ივანიშვილს ტვირთის ტარება და ამ გარემოცვაში ყოფნა აღარ უნდოდეს, რაც მან თავად შექმნა, ეს არ უნდა გაგვიკვირდეს. მე არ მგონია, რომ ის ხელისუფლებისგან სრულად დისტანცირდეს", - განაცხადა ბესელიამ.
ცნობისთვის, „ფორმულამ“ ინფორმაცია გაავრცელა, რომლის თანახმადაც „ქართული ოცნების“ ყრილობაზე, რომელიც მომავალ კვირას გაიმართება, პარტიის თავმჯდომარედ ირაკლი კობახიძეს აირჩევენ, ბიძინა ივანიშვილი კი უკვე მეორედ წავა პოლიტიკიდან.