ანტონიო გუტერეში - ახლა ჩვენი გამოწვევა არის ვაქცინები საზოგადოებრივ სიკეთედ იქცეს - ხელმისაწვდომი ყველასთვის და ყველგან
გაერო-ს გენერალური მდივანი ანტონიო გუტერეში აცხადებს, რომ კორონავირუსის საწინააღმდეგო ვაქცინები ყველასთვის და ყველგან ხელმისაწვდომი უნდა გახდეს.
„ახლა ჩვენი გამოწვევა იმის უზრუნველყოფაა, რომ ვაქცინები საზოგადოებრივ სიკეთედ იქცეს - ხელმისაწვდომი ყველასთვის და ყველგან,”- აღნიშნა გუტერეშმა.
მისი თქმით, გაერო ვალდებულია უზრუნველყოს საზოგადოებისთვის ინფორმაციის და რჩევების მიწოდება, იმისთვის, რომ ვაქცინების უსაფრთხოებასთან დაკავშირებულ „დეზინფორმაციის ვირუსს“ დაუპირისპირდეს.
„ჩვენ მთელი მსოფლიოს მასშტაბით ვნახეთ, თუ როგორ შეიყვანა შეცდომაში საზოგადოება პოპულისტურმა მიდგომებმა, რომლებიც მეცნიერებას უგულებელყოფენ,“- აღნიშნა გუტერეშმა.
