პარლამენტის ნდობის ჯგუფის ფორმირების მიზნით, უმრავლესობამ საკუთარი კვოტით ნდობის ჯგუფის წევრები წარადგინა. ნდობის ჯგუფს თავდაცვისა და უშიშროების კომიტეტის თავმჯდომარე ირაკლი ბერაია უხელმძღვანელებს. უმრავლესობის კვოტით ჯგუფის წევრები არიან ალექსანდრე ტაბატაძე და ანრი ოხანაშვილი.
ნდობის ჯგუფში ორი წევრის წარდგენის უფლება საპარლამენტო ოპოზიციას აქვს.
ამასთან, როგორც ბიუროს სხდომაზე პარლამენტის საფინანსო საბიუჯეტო კომიტეტის თავმჯდომარემ ირაკლი კოვზანაძემ განაცხადა, იმის გათვალისწინებით, რომ ნდობის ჯგუფი ფინანსებთან დაკავშირებით საკითხებს იხილავს, მის შემადგენლობაში საფინანსო-საბიუჯეტო კომიტეტის წარმომადგენელი აუცილებლად უნდა იყოს წარმოდგენილი.
ნდობის ჯგუფის შემადგენლობას პარლამენტი უახლოეს პლენარულ სხდომაზე ცნობად მიიღებს.