აშშ-ში კორონავირუსის 249 709 ახალი შემთხვევა გამოვლინდა და ინფიცირებულთა საერთო რაოდენობა 17 459 296-მდე გაიზარდა, - ამის შესახებ ინფორმაციას CNN-ი ჯონს ჰოპკინსისი უნივერსიტეტის მონაცემებზე დაყრდნობით ავრცელებს.
ამავე მონაცემების თანახმად, ქვეყანაში ვირუსს კიდევ 2 814 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 313 588-ს მიაღწია.
შეგახსენებთ, აშშ-ში Pfizer/BioNTech-ის ვაქცინის გამოყენებით მოქალაქეების ვაქცინაციის პროცესი რამდენიმე დღეა მიმდინარეობს. ქვეყნის საკვებისა და მედიკამენტების ადმინისტრაციამ რამდენიმე საათის წინ გადაუდებელი გამოყენების ავტორიზაცია კორონავირუსის საწინააღმდეგო კიდევ ერთ, ამერიკული ბიოტექნოლოგიური კომპანიის მიერ შექმნილ, ვაქცინას მიანიჭა.