ერევანში, იერაბლურის სამხედრო პანთეონთან, სადაც ნიკოლ ფაშინიანის მოწინააღმდეგეები შეიკრიბნენ, სიტუაცია დაიძაბა, -ამის შესახებ ინფორმაციას ადგილობრივი მედია ავრცელებს. მათივე ინფორმაციით, დილიდან პანთეონთან ნიკოლ ფაშინიანის გადადგომის მოთხოვნით მოქალაქეები, მათ შორის ყარაბაღის ომის ვეტერანები და ომში დაღუპული სამხედრო მოსამსახურეების ახლობლები არიან შეკრებილი, რომლებიც სკანდირებენ : "ნიკოლ მოღალატე!"
ცნობილია, რომ ცოტა ხნის წინ ერევნის რესპუბლიკის მოედნიდან სამგლოვიარო მსვლელობის მონაწილეები, მათ შორის ნიკოლ ფაშინიანი და ქვეყნის სხვა ოფიციალური პირები, იერაბლურის სამხედრო პანთეონისკენ დაიძრნენ.
პანთეონთან სამართალდამცავები არიან მობილიზებული.