ჯანდაცვის მინისტრობის კანდიდატს ეკატერინე ტიკარაძეს ბოჭორიშვილის კლინიკასთან სამოქალაქო აქტივისტები აქციით დახვდნენ. აქციის მონაწილეები ეკატერინე ტიკარაძის გადადგომას ითხოვდნენ.
მათ ადგილზე მიტანილი ჰქონდათ პლაკატი წარწერით „ტიკარაძე მკვლელო“ .
„ეკატერინე ტიკარაძის თანამდებობაზე ყოფნის ყოველ დღე მეტი ქართველის სიკვდილს ნიშნავს, რასაც ჩვენ არ დაუშვებთ, მომავალი „მთავრობა“ რომელიც არალეგიტიმურია, თუ დაამტკიცებს ისევ ტიკარაძეს, ჩვენ ვიქნებით ძალიან მწვავე, ყოველ დღე ვიქნებით ჯანდაცვის სამინისტროსთან, შეიძლება კარვებიც გავშალოთ“, -განაცხადა აქციის ერთ-ერთმა მონაწილემ.
ადგილზე მობილიზებულები იყვნენ სამართალდამცავებიც.