„ნაციონალური მოძრაობის“ ერთ-ერთი ლიდერის გიორგი ბარამიძის განცხადებით, პარტიის წარმომადგენლები მზად არიან, ხელისუფლებასთან მოლაპარაკებების მორიგ რაუნდში მონაწილეობა მიიღონ.

როგორც მან ჟურნალისტებს განუცხადა, “ნაციონალურ მოძრობას“ პრაგმატულად მიაჩნია, არ მისცეს ხელისუფლებას საბაბი თქვას, მოლაპარაკებები იმის გამო არ შედგა, რომ მხარეები არ მონაწილეობდნენ.

“რადგან ჩვენი დასავლელი პარტნიორების ელჩები თავს იწუხებენ და საქართველოს სახელმწიფოს, ქართველ ხალხს, ქართულ დემოკრატიას გვერდში უდგანან და ცდილობენ, ყველა შანსი გამოიყენონ ცივილიზებული ფორმით შეთანხმების მისაღწევად და მზად არიან იყვნენ შუამავლები, ჩვენც აქედან გამომდინარე, მივიღებთ მოლაპარაკებებში მონაწილეობას, რომ რეჟიმს არ მივცეთ საბაბი თქვას, თუნდაც ბოლო მომენტში მზად ვიყავით გონივრულ კომპრომისზე წავსულიყავით და იმის გამო, რომ ვინმე ამ მოლაპარაკებას არ დაესწრო, ამიტომ ჩაიშალა ეს ყველაფერიო. აქედან გამომდინარე, ჩვენი წარმომადგენლები შემდეგი მოლაპარაკებების პროცესში მონაწილეობას მიიღებენ“, - განაცხადა ბარამიძემ.