სიუნიქის პროვინციაში მოსახლეობის ნაწილი ერევან-გორისის გზის მონაკვეთზე შეიკრიბა. ისინი პრემიერ-მინისტრ ნიკოლ ფაშინიანის დაგეგმილ ვიზიტს აპროტესტებენ და აცხადებენ, რომ ფაშინიანს სიუნიქში არ შეუშვებენ.

სომხური მედიის ინფორმაციით, ადგილზე დიდი რაოდენობით სამართალდამცავები არიან მობილიზებული და სიტუაცია დაძაბულია.

NEWS.am-ი იუწყება, რომ რამდენიმე საათის წინ ქალაქ გორისის მერი არუშან არუშანიანი დააკავეს, რომელმაც ქალაქის მოსახლეობას მოუწოდა, ნიკოლ ფაშინიანი სიუნიქის პროვინციაში არ შეეშვათ.