მაია ცქიტიშვილი - განსაკუთრებული პოტენციალის მქონე ძველი კურორტების საერთაშორისო სტანდარტებთან შესაბამისობაში მოსაყვანად პროექტები გაგრძელდება

რეგიონული განვითარებისა და ინფრასტრუქტურის სამინისტრო კვლავ განაგრძობს განსაკუთრებული პოტენციალის მქონე ძველი კურორტების გაცოცხლების, მათი საერთაშორისო სტანდარტებთან შესაბამისობაში მოყვანისა და ახალი მიზიდულობის ცენტრების შესაქმნელად ტურიზმის ინფრასტრუქტურის განვითარებისა და ურბანული განახლების პროექტებს,- ამის შესახებ პარლამენტში მიმდინარე საკომიტეტო მოსმენაზე რეგიონული განვითარებისა და ინფრასტრუქტურის მინისტრობის კანდიდატმა მაია ცქიტიშვილმა განაცხადა.

მისი თქმით, 2021 წელს გაგრძელდება აბასთუმნის, ბაკურიანის, მესტიაში ლაღამის უბნისა და უშგულის კოშკების აღდგენა-განახლების პროექტები, ურბანულად განახლდება თელავისა და ველისციხის ცენტრები, გაგრძელდება კობისა და თრუსოს ხეობის განვითარების და დუშეთის, გორის და სხვა დასახლებების ურბანული განახლების პროექტები.

მინისტრობის კანდიდატმა აღნიშნა, რომ მომავალ წელს წყალტუბოს გენ-გეგმის კონცეფციის შემუშავების საფუძველზე დაიწყება კურორტის განახლებისთვის სხვადასხვა ინფრასტრუქტურული პროექტების განხორციელება და კერძო ინვესტიციების მოზიდვა. ასევე დასრულდება მცხეთის, სტეფანწმინდას და გრიგოლეთის გენ-გეგმები, ქუთაისის გენგეგმის კონცეფცია, რაც ამ დასახლებების გეგმაზომიერ და კომპლექსურ განვითარებას დაეხმარება.

„მოწესრიგდება და განვითარდება ტურისტული ინფრასტრუქტურაც. მოეწყობა როშკა-არხოტის, ტობავარჩხილისა და მწვანე ტბასთან მისასვლელი გზები, დასრულდება ყაზბეგის მუზეუმისა და ბორჯომის კავალერიის მუზეუმის რეაბილიტაცია, ონის მუზეუმის მშენებლობა, ფოკის და ზარზმის მონასტრებთან ტურისტული ინფრასტრუქტურის მოწყობა და მრავალი სხვა მსგავსი პროექტი, რომელიც ხელს შეუწყობს რეგიონებში ახალი მიზიდულობის ცენტრების შექმნას, ახალი ტურისტული ლოკაციების თუ მარშრუტების ჩამოყალიბებას და ამ გზით რეგიონის მოსახლეობისთვის დასაქმების და შემოსავლების მიღების ახალი შესაძლებლობების შექმნას“,- განაცხადა მაია ცქიტიშვილმა.

მან აღნიშნა, რომ მდგრადი განვითარებისთვის ინფრასტრუქტურის განვითარების გარდა, აუცილებელია ტურისტული ცენტრების მართვის ახლებური მეთოდების დანერგვა, რისთვისაც შესაბამისი საკანონმდებლო საფუძველი უკვე შექმნილია.

იხილეთ ვიდეო: განსაკუთრებული პოტენციალის მქონე ძველი კურორტების საერთაშორისო სტანდარტებთან შესაბამისობაში მოსაყვანად პროექტები გაგრძელდება

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან