დავით სერგეენკო - ვისურვებდი, რომ არგუმენტები და კონტრარგუმენტები გაზიარებული იქნას პარლამენტში, საქმიან სივრცეში და არა შეთვლა-შემოთვლით

ვისურვებდი, რომ არგუმენტები და კონტრარგუმენტები გაზიარებული იქნას აქ, საქმიან სივრცეში და არა შეთვლა-შემოთვლით, - ამის შესახებ "ქართული ოცნების" მაჟორიტარმა დეპუტატმა დავით სერგეენკომ ჟურნალისტებს პარლამენტში, ბიუროს სხდომის დაწყებამდე განუცხადა.

ამასთან, სერგეენკომ იმ კანონპროექტზეც ისაუბრა, რომლითაც ბოიკოტის რეჟიმში მყოფ პარტიებს სახელმწიფო დაფინანსება შეუწყდებათ და როგორც აღნიშნა, საკითხი ბიუროს სხდომაზე იქნება განხილული.

„მოტივაცია, თუ რატომ უნდა იქნას კანონპროექტი მიღებული, არის ის, რომ პარტიებს, ვინც არ აპირებენ ქვეყნის პოლიტიკურ და საპარლამენტო ცხოვრებაში მონაწილეობას, დაფინანსება უნდა შეუწყდეთ. ოპოზიციის არგუმენტებიც გასაგებია, თუმცა მე ნამდვილად ვისურვებდი, რომ არგუმენტები და კონტრარგუმენტები გაზიარებული იქნას აქ, საქმიან სივრცეში და არა შეთვლა შემოთვლით.

ეს გადაწყვეტილება არ იქნება სამართლებრივი სფეროს გარეთ მიღებული, სამართლებრივად იქნება გამყარებული. ერთადერთი სწორი გამოსავალია, რომ არგუმენტების და კონტრარგუმენტების შეჯერება მოხდეს საქმიანი დისკუსიით. ეს არ იქნება მოსაწონი ოპოზიციისთვის, მაგრამ ვფიქრობ, ყველა არგუმენტი იქნება საჯაროდ მოყოლილი და ყველას ექნება საშუალება გაითვალისწინოს და საქმის კურში იყოს,” - განაცხადა სერგეენკომ.

შეგახსენებთ, რომ კანონპროექტების პაკეტი, რომლის მიხედვითაც, პარტიას, რომელსაც საპარლამენტო მანდატები შეუწყდება, ან რომელიც საპარლამენტო მუშაობაში არ ჩაერთვება, სახელმწიფო დაფინანსება შეუწყდება, ბიუროს დღეს წარედგინება. ცვლილებები „პოლიტიკური გაერთიანებების შესახებ“ კანონში შედის.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა