ბიუროს სხდომაზე რეზოლუციის პროექტი დაინიცირდა, რომელმაც ქვეყნის საგარეო პოლიტიკა მომდევნო 4 წლის განმავლობაში უნდა განსაზღვროს

პარლამენტის ბიუროს სხდომაზე რეზოლუციის პროექტი დაინიცირდა, რომელმაც ქვეყნის საგარეო პოლიტიკა მომდევნო 4 წლის განმავლობაში უნდა განსაზღვროს.

როგორც საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ბიუროს სხდომაზე რეზოლუციის პროექტზე საუბრისას აღნიშნა, ქვეყნის ნომერ პირველი ამოცანა დეოკუპაცია და ქვეყნის ტერიტორიული მთლიანობის აღდგენაა. ასევე, რეზოლუციაში საუბარია 2024 წელს საქართველოს განაცხადის შეტანაზე ევროკავშირის წევრობაზე და ნატო-ში წევრობის მზაობაზე.

„საქართველოს პარლამენტის რეზოლუციის პროექტი საქართველოს საგარეო პოლიტიკის შესახებ“ ეხება მომდევნო 4 წლის განმავლობაში ჩვენი ქვეყნის პოლიტიკას საგარეო მიმართულების ძირითად პრიორიტეტებს, განსაზღვრავს მთავარ ამოცანებს ხელისუფლებისთვის. ნომერ პირველი ამოცანა ეს არის დეოკუპაცია და ქვეყნის ტერიტორიული მთლიანობის აღდგენა მშვიდობიანი გზით და საერთაშორისო საზოგადოების მხარდაჭერით. ასევე რეზოლუციაში საუბარია ჩვენს საპროგრამო განაცხადზე, რომელიც წინასაარჩევნოდ ამომრჩეველს მივეცით 2024 წელს საქართველოს განაცხადის შეტანაზე ევროკავშირში წევრობაზე, ასევე ხელისუფლებისთვის პრიორიტეტული იქნება სტრატეგიული მზაობა ნატო-ში წევრობისთვის, რათა როცა გაჩნდება შესაძლებლობების ფანჯარა, ჩვენ მზად ვიყოთ ნატო-ში წევრობისთვის. აქ საუბარია ასევე ჩვენი ურთიერთობების გაღრმავებზე სტრატეგიულ პარტნიორებთან, ამერიკის შეერთებულ შტატებთან თავდაცვის თანამშრომლობის გაღრმავებაზე, ასევე ინვესტიციების მოზიდვაზე და სავაჭრო ურთიერთობების გაღრმავებაზე. ასევე, შავი ზღვის არეალში ამერიკის კიდევ უფრო მეტ ჩართულობაზე. ასევე ურთიერთობების განმტკიცებაზე ჩვენს სტრატეგიულ პარტნიორებთან ევროპაში, გერმანიასთან, საფრანგეთთან, დიდ ბრიტანეთთან, ბალტიისა და აღმოსავლეთ ევროპის ქვეყნებთან. ასევე, საუბარია იმაზე, რომ რეგიონში საქართველო უნდა დარჩეს ლიდერად და რეგიონული უსაფრთხოება ძალიან პრიორიტეტული იქნება მომავალი 4 წლის განმავლობაში, ამას შევინარჩუნებთ თურქეთთან და აზერბაიჯანთან სტრატეგიული პარტნიორობით და სომხეთთან კეთილმეზობლური ურთიერთობით. ასევე, შავ ზღვაზე ბულგარეთთან, რუმინეთთან და უკრაინასთან ჩვენი სტრატეგიული პარტნიორობის პოტენციალის ათვისებით. 14-პუნქტიანი რეზოლუციაა, რომელიც საკომიტეტო მოსმენების დროს შესაძლოა შეიცვალოს, თუმცა, ეს არის რეზოლუცია, რომელიც მომავალი 4 წლის განმავლობაში განსაზღვრავს ჩვენს საგარეო მიმართულების პრიორიტეტებს და დაუსახავს ამოცანებს ხელისუფლებას“, - განაცხადა ნიკოლოზ სამხარაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა