აშშ-ში ბოლო 24 საათში კორონავირუსის 189 099 ახალი შემთხვევა დადასტურდა და ინფიცირებულთა საერთო რაოდენობა 17 844 690-მდე გაიზარდა, - შესაბამის მონაცემებს ჯონს ჰოპკინსის უნივერსიტეტი ავრცელებს.

ამავე მონაცემების თანახმად, ქვეყანაში ვირუსს კიდევ 1 509 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 317 668-ს მიაღწია.

აშშ-ში მოსახლეობის კორონავირუსის საწინააღმდეგო ვაქცინაცია Pfizer/BioNTech-ის ვაქცინით რამდენიმე დღეა მიმდინარეობს. დღემდე ქვეყანაში ვაქცინის მინიმუმ 2 838 225 დოზაა განაწილებული, აქედან 556 000-ზე მეტი დოზა უკვე გამოიყენეს.