ივანე მაჭავარიანის განცხადებით, სავარაუდოდ, დღეს კიდევ იქნება ვიწრო ფორმატის შეხვედრა და უახლოეს დღეებში შეზღუდვების შესაძლო მოხსნასთან დაკავშირებით მმართველი გუნდის პოზიცია ცნობილი გახდება

ფინანსთა მინისტრობის კანდიდატმა, ივანე მაჭავარიანის განცხადებით, სავარაუდოდ, დღეს კიდევ იქნება, ვიწრო ფორმატის შეხვედრა და უახლოეს დღეებში შეზღუდვების შესაძლო მოხსნასთან დაკავშირებით მმართველი გუნდის პოზიცია ცნობილი გახდება. ამის შესახებ მაჭავარიანმა ჟურნალისტებს განუცხადა.

მისივე თქმით, კარგად იცის, რამდენად მნიშვნელოვანია დეკემბრის თვე, რადგან ბიზნესში არაერთი წელი იყო.

„დღეს კიდევ იქნება, ალბათ, შეხვედრები. შეიძლება უფრო, ვიწრო ფორმატით და უახლოეს დღეებში განვაცხადებთ, თუ რას ვაპირებთ. ძალიან რთული გასავლელი გზაა, თუმცა მგონია, რომ ამ შუალედურ გზას გავივლით. ერთი მხრივ, ამ შეზღუდვამ მნიშვნელოვანი შედეგი მოგვცა და გავრცელების ტემპმა იკლო, მაგრამ მაინც მაღალია. რაღაც ტიპის ამოსუნთქვის საშუალება ჯანდაცვის სისტემას მისცა და კარგად უნდა ვაცნობიერებდეთ ერთ რამეს - როდესაც ძალიან მაღალი გავრცელებაა ჯანდაცვის სისტემაზე მთელი ტვირთის გადატანა აღარ გამოდის. მეორე მხრივ, ვაცნობიერებთ, რომ დეკემბერი განსაკუთრებით მნიშვნელოვანი თვეა. მე კარგად ვიცი, რამდენად მნიშვნელოვანია, ბიზნესში არაერთი წელი ვიყავი. ამ ყველაფრის გათვალისწინებით საბჭო გადაწყვეტილებას მიიღებს", - განაცხადა მაჭავარიანმა.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა