ისნის საოლქო საარჩევნო კომისიის თავმჯდომარის გარდაცვალების საქმეზე ბრალდებულების წინასასამართლო პროცესი გადაიდო

ისნის საოლქო საარჩევნო კომისიის თავმჯდომარის, თეოდორე გობეჯიშვილის გარდაცვალების საქმეზე იძულების, მუქარისა და ქრთამის შეთავაზებაში ბრალდებულების აკაკი ხუსკივაძისა და აკაკი კობალაძის წინასასამართლო პროცესი გადაიდო.

როგორც ბრალდებულების ადვოკატმა შოთა თუთბერიძემ პროცესის დასრულების შემდეგ განაცხადა, ეს არის ერთადერთი საქმე ქართულ მართლმსაჯულებაში, როცა შესაძლო დანაშაულის შესახებ ინფორმაციის მიმწოდებელი პირი არ არის დაკითხული.

"დღეს გაგრძელდა წინასასამართლო პროცესი, იხილება მტკიცებულებათა დაუშვებლობის საკითხი, გადაწყვეტილება დღეს არ ყოფილა მიღებული. თვალშისაცემია ის ფაქტი, რომ ბრალდების მხარე თავგამოდებით ცდილობს ჩვენს მიერ მოთხოვნილი მოწმეების დაკითხვის თავიდან არიდებას, ესენი არიან გიორგი ხელაშვილი და ბექა დავითულიანი, რომლებსაც შესაძლოა პრაქტიკული ცოდნა ჰქონდეთ დანაშაულის ან პოტენციური დანაშაულის შესახებ და საქმის გარშემო პროკურატურას მათი დაკითხვა აშკარად არ უნდა", - განაცხადა შოთა თუთბერიძემ.

ადვოკატის თქმით, ამ დროისთვის უცნობია როდის გაიმართება შემდეგი სასამართლო პროცესი.

ცნობისთვის, აკაკი ხუსკივაძეს და აკაკი კობალაძეს სისხლის სამართლის კოდექსის 150-ე, 151-ე და 339-ე მუხლებით გათვალისწინებული დანაშაულის ჩადენას ედავებიან, რაც იძულებას, მუქარასა და ქრთამის შეთავაზებას გულისხმობს. თბილისის საქალაქო სასამართლომ აკაკი ხუსკივაძესა და აკაკი კობალაძეს აღკვეთის ღონისძიების სახით შეფარდებული პატიმრობა 10 000-10 000-ლარიანი გირაოს სანაცვლოდ 10 დეკემბერს შეუცვალა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე