ანრი ოხანაშვილის განცხადებით, „ამნისტიის შესახებ“ კანონპროექტით დაცული უნდა იყოს როგორც ბრალდებულთა უფლებები, ასევე გათვალისწინებული უნდა იყოს საზოგადოების უსაფრთხოებაც

პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, „ამნისტიის შესახებ“ კანონპროექტით დაცული უნდა იყოს როგორც ბრალდებულ პირთა უფლებები, ასევე გათვალისწინებული უნდა იყოს საზოგადოების უსაფრთხოებაც.

როგორც მან ჟურნალისტებს განუცხადა, ამნისტიით რისკის ქვეშ არ უნდა დადგეს ქართული საზოგადოების უსაფრთხოება.

„შესაძლებელია, საკომიტეტო განხილვების დროს ან პლენარული სხდომების მიმდინარეობისას გარკვეული კორექტივები შევიდეს. ჩვენ ვაგრძელებთ კონსულტაციებს. რა თქმა უნდა, პირველი, მეორე მოსმენის ფარგლებში, დაინტერესებული სუბიექტები ჩართული იქნებიან, ვისაც ამ კანონპროექტთან დაკავშირებით ინტერესი აქვთ. თუკი იქნება ლოგიკური წინადადებები, რომ დაცული იყოს ბრალდებულ, მსჯავრდებულ პირთა უფლებები და საზოგადოების უსაფრთხოება კითხვის ნიშნის ქვეშ არ დადგეს, რისკები არ შეიქმნას, ამაზე ვიფიქრებთ. ეს არ არის მზა პროექტი, თუმცა ძირითადი პრინციპები, რაც წარმოდგენილია, წესით შენარჩუნდება. თუმცა, საკომიტეტო და პლენარული სხდომების განხილვა გვაჩვენებს, რა წინადადებები დადგება.

ვიზიარებ პრინციპს, რომ ერთი მხრივ, ჩვენი პატიმრების და ბრალდებულ პირთა უფლებები უნდა დავიცვათ. მეორე მხრივ, უნდა დავიცვათ ჩვენი საზოგადოების უსაფრთხოება, რომ გარკვეული ამნისტიით რისკის ქვეშ არ დადგეს ჩვენი საზოგადოება. ბალანსი დაცული უნდა იყოს, ამიტომ, ვნახოთ“,-განაცხადა ოხანაშვილმა.

ცნობისთვის, პარლამენტი „ამნისტიის შესახებ" კანონპროექტის განხილვას იწყებს. კანონპროექტი ბიუროს სხდომაზე დღეს დარეგისტრირდა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა