სერგი კაპანაძე - გვაქვს დიქტატურის სტილის პარლამენტი, რომელიც ნამდვილად არ არის არც ევროპული, არც პროგრესსა და მომავალზე ორიენტირებული

“ევროპული საქართველოს” ერთ-ერთი ლიდერის, სერგი კაპანაძის განცხადებით, დღეს საქართველოს ჰყავს ერთპარტიული პარლამენტი, რომელიც არის ოლიგარქის სამსახურში.

კაპანაძის თქმით, ყველა ის კანონი, რომელიც საკანონმდებლო ორგანოში მიიღება, არ არის ორიენტირებული არც პროგრესზე და არც მომავალზე.

„ჩვენ დღეს გვაქვს ერთპარტიული პარლამენტი ერთი ადამიანის, ოლიგარქის სამსახურში და არა მრავალპარტიული პარლამენტი, რომელიც უნდა იყოს ქვეყნის სამსახურში. შესაბამისად, ყველაფერი რაც იქ ხდება, დაწყებული ახლა მთავრობის დამტკიდებით, გაგრძელებული ამ ანტიოპოზიციური კანონების ინიცირებით, რომლის მიზანია უბრალოდ ოპოზიციის დასუსტება და არა რაიმე პროგრესი და რაიმე წინსვლა.

ეს ყველაფერი არის შედეგი გაყალბებული არჩევნების შედეგად მიღებული ხალხის მანდატის არმქონე პარლამენტის და ძალიან სამწუხაროა, რომ ასე გაგრძელდება, თუ გონს არ მოეგება ივანიშვილი და არ წამოვა მოლაპარაკებებზე და არ მიიღებს გადაწყვეტილებას ახალი არჩევნების შესახებ, რადგან ეს არის ერთპარტიული დიქტატურის სტილის პარლამენტი, რომელიც ნამდვილად არ არის არც ევროპული და არც პროგრესზე და მომავალზე ორიენტირებული”,- განაცხადა კაპანაძემ.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა