აშშ-ის წარმომადგენელთა პალატამ კორონავირუსთან დაკავშირებული ფინანსური დახმარების პაკეტი დაამტკიცა

აშშ-ის წარმომადგენელთა პალატამ 892 მილიარდი აშშ დოლარის მოცულობის ახალი ფინანსური პაკეტი დაამტკიცა, რომლის მიზანი კორონავირუსის პანდემიით დაზარალებული ეკონომიკისთვის დახმარების აღმოჩენაა, - ამის შესახებ ინფორმაციას Reuters-ი ავრცელებს.

ფინანსური დახმარების ფარგლებში მოქალაქეები 600 აშშ დოლარს პირდაპირი ფულადი დახმარების სახით მიიღებენ, უმუშევრობისთვის დაწესებული კომპენსაცია კი კვირაში 300 აშშ დოლარით გაიზრდება. ამასთან, ახალი ფინანსური პაკეტი მცირე ბიზნესის სესხების პროგრამის მოცულობის 284 მილიარდი დოლარით გაზრდას და სკოლების, ავიაკომპანიების და ვაქცინების განაწილების ფინანსური დახმარების მიზნით თანხის გამოყოფასაც ითვალისწინებს.

წარმომადგენელთა პალატის შემდეგ დოკუმენტი სენატმა უნდა დაამტკიცოს, საბოლოოდ კი მას პრეზიდენტმა დონალდ ტრამპმა უნდა მოაწეროს ხელი.

აღნიშნული პაკეტი სიდიდით მეორე ფინანსური სტიმული იქნება ეკონომიკისთვის მას შემდეგ, რაც მიმდინარე წლის მარტში კონგრესმა 2.3 ტრილიონი აშშ დოლარის მოცულობის დახმარება დაამტკიცა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე