სასამართლო გლდანში დაკავებული გიორგი მერაბიშვილისთვის, რომელიც შსს-ის ინფორმაციით, ხელყუმბარის აფეთქებით იმუქრებოდა, აღკვეთის ღონისძიების გამოყენებაზე იმსჯელებს

თბილისის საქალაქო სასამართლო გლდანის რაიონში დაკავებული გიორგი მერაბიშვილისთვის, რომელიც შინაგან საქმეთა სამინისტროს ინფორმაციით, თანნაქონი ხელყუმბარის აფეთქებით იმუქრებოდა, აღკვეთი ღონისძიების გამოყენებაზე დღეს იმსჯელებს.

როგორც „ინტერპრესნიუსთან“ საუბრისას გიორგი მერაბიშვილის ადვოკატი, თამარ აბესაძე განმარტავს, მერაბიშვილს ბრალად გოგონას მიმართ მუქარა აქვს წაყენებული და მისთვის იარაღის უკანონო შეძენა-შენახვა-ტარებისთვის ბრალი არ წაუყენებიათ. მისივე თქმით, გიორგი მერაბიშვილი წარდგენილ ბრალს არ აღიარებს და სასამართლოს გირაოს შუამდგომლობით არ მიმართავენ.

,,არანაირი აღკვეთი ღონისძიება არ უნდა იყოს შეფარდებული, ეს არის ჩვენი პოზიცია. თვითონ გიორგი მერაბიშვილის მოთხოვნაა, რომ არანაირი გირაო არ უნდა მოვითხოვოთ, ის ბრალს არ აღიარებს. უტყუარი მტკიცებულება არ არსებობს და საქმეში შეკრებილი მასალები არ იძლევა იმის საფუძველს, რომ მასზე რომელიმე სახის აღკვეთის ღონისძიება იყოს გამოყენებული.

იარაღის უკანონო შეძენა-შენახვა-ტარებაზე მუხლი ვერ წაუყენეს, მას ბრალად წაყენებული აქვს მუქარა გოგონასთან დაკავშირებით და ვნახოთ ეს მუქარა რამდენად დადასტურდება. სანამ მას დააკავებდნენ მანამდე მე შევედი, მას არანაირი იარაღი არ ჰქონია, შემდგომ მოვიდა პოლიცია და წაიყვანეს პოლიციის დაწესებულებაში. პროკურორი ალბათ ახსენებს, რომ მას ყუმბარა ჰქონდა, ჩვენ ვაცხადებთ, რომ მას ხელყუმბარა არ ჰქონია“, - აღნიშნა თამარ აბესაძემ.

ცნობისთვის, შსს-ს ინფორმაციით, 1991 წელს დაბადებული, ამჟამად ქურდობისთვის პირობითი მსჯავრის ქვეშ მყოფი გ.მ. მუქარის და იარაღის უკანონო შეძენა-შენახვა-ტარების ბრალდებით დააკავეს. გამოძიებით დადგინდა, რომ გ.მ., რომელიც გლდანის რაიონში, ახლობელთან სტუმრად იმყოფებოდა, სავარაუდოდ, ოჯახური კონფლიქტის ნიადაგზე, თანნაქონი ხელყუმბარის აფეთქებით იმუქრებოდა. შემთხვევის ადგილზე დაუყოვნებლივ მოხდა სამართალდამცველების მობილიზება. გამოძიება საქართველოს სისხლის სამართლის კოდექსის 236-ე და 151-ე მუხლებით მიმდინარეობს, რაც იარაღის უკანონო შეძენა-შენახვა-ტარებასა და მუქარას გულისხმობს. დანაშაული 7 წლამდე ვადით თავისუფლების აღკვეთას ითვალისწინებს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე