ონლაინ ღია კარის დღეები აბიტურიენტებისთვის გრძელდება

ონლაინ ღია კარის დღეები აბიტურიენტებისთვის გრძელდება. ამის შესახებ ინფორმაციას შეფასებისა და გამოცდების ეროვნული ცენტრი ავრცელებს.

მათივე ცნობით, 23 დეკემბერს ღია კარის დღე თერჯოლის, საჩხერის, ზესტაფონის, ხარაგაულისა და ჭიათურის სკოლების დამამთავრებელი კლასების მოსწავლეებისათვის გაიმართება.

შეხვედრა Microsoft Teams-ის პროგრამის საშუალებით ტარდება. ონლაინ ღია კარის დღეზე ცენტრის წარმომადგენლები 2021 წლის ერთიანი ეროვნული გამოცდების შესახებ ისაუბრებენ.

როგორც გამოცდების ეროვნულ ცენტრში აცხადებენ, მეთორმეტეკლასელებს შესაძლებლობა ექნებათ, დასვან კითხვები და მიიღონ პასუხები შეფასებისა და გამოცდების ეროვნული ცენტრის დირექტორისა და საგნობრივი ჯგუფების ხელმძღვანელებისაგან.

აბიტურიენტთა ინფორმირებულობის მიზნით, ღია კარის დღე სხვა რეგიონების დამამთავრებელი კლასის მოსწავლეებისათვისაც გაიმართება. კონკრეტული თარიღის შესახებ მათ ინფორმირებას ადგილობრივი რესურსცენტრის დახმარებით სკოლის ადმინისტრაცია უზრუნველყოფს.

შეხვედრის დასრულების შემდეგ, ხშირად დასმული კითხვები პასუხებთან ერთად შეფასებისა და გამოცდების ეროვნული ცენტრის ვებგვერდზე გამოქვეყნდება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე