ანრი ოხანაშვილი - ოპოზიციონერ დეპუტატებს, რომლებიც სხდომათა დარბაზში არ იმყოფებიან, თუ შესაბამის საბანკო რეკვიზიტებს წარადგენენ, დაერიცხებათ ხელფასი იმ პროცენტული განაკვეთის შესაბამისად, როცა სხდომებს არ ესწრებოდნენ

ოპოზიციონერი დეპუტატები, რომლებიც სხდომათა დარბაზში არ იმყოფებიან, თუკი შესაბამის საბანკო რეკვიზიტებს წარადგენენ, დაერიცხებათ ხელფასი იმ პროცენტული განაკვეთის შესაბამისად, როცა სხდომებს არ ესწრებოდნენ, - აღნიშნული განცხადება პარლამენტის ტრიბუნიდან იურიდიულ საკითხთა კომიტეტის თავმჯდომარემ ანრი ოხანაშვილმა გააკეთა.

მისივე თქმით, ოპოზიციური პარტიები საბიუჯეტო დაფინანსებას მომდევნო ექვსი თვის განმავლობაში მიიღებენ. ამასთან, როგორც ოხანაშვილმა სესიაზე განმარტა, “მოქალაქეთა პოლიტიკური გაერთიანებების შესახებ“ კანონის პირვანდელ ვარიანტში ცვლილებები აისახა, რომლის მიხედვით, თუ მომდევნო ექვსი თვის განმავლობაში პარტიის წარმომადგენელთა ნახევარი მაინც არასაპატიო მიზეზით პლენარულ სხდომათა ნახევარს მაინც არ დაესწრება, მათ დაფინანსება კი არ შეუწყდება, არამედ შეუჩერდებათ.

„საგაზაფხულო სესიას თებერვლიდან ვიწყებთ. თებერვლიდან ივნისის ჩათვლით პოლიტიკური პარტია სრულად მიიღებს დაფინანსებას. ივლისში უკვე ჯამდება, პოლიტიკური პარტიების წარმომადგენლები ვინ ესწრებოდნენ და ვინ არა სხდომას. ამის შემდეგ, თუკი პარტიის მიერ წარდგენილი დეპუტატების ნახევარი მაინც სხდომათა ნახევარს მაინც არ დაესწრება, მომდევნო ექვსი თვის განმავლობაში ამ პოლიტიკურ პარტიას დაფინანსება შეუჩერდება. თუმცა თუკი შემდგომ გადაწყვეტენ, რომ ამ დემოკრატიულ ცხოვრებაში ჩაერთონ, მომდევნო ექვსი თვის განმავლობაში დაფინანსება ისევ აღდგება. ეს არის სამართლიანი და დაბალანსებული მექანიზმი“, - განაცხადა ანრი ოხანაშვილმა.

ოხანაშვილის შეფასებით, პარტიებს ეძლევათ არჩევანის შესაძლებლობა პოლიტიკურ ბოიკოტსა და საბოტაჟს შორის.

საკანონმდებლო პაკეტი, რომელიც პარლამენტში არშესული ოპოზიციური პარტიებისთვის საბიუჯეტო დაფინანსების გაუქმებას და უფასო საეთერო დროით სარგებლობის უფლების შეწყვეტას ითვალისწინებს, რიგგარეშე სესიაზე პირველი მოსმენით, დაჩქარებული წესით განიხილება.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო