აშშ-მ ბელარუსის მიმართ სასანქციო სია გააფართოვა

აშშ-ის ფინანსთა სამინისტრომ ბელარუსის მიმართ სასანქციო სია გააფართოვა. როგორც გავრცელებულ განცხადებაშია ნათქვამი, აშშ-ს ფინანსთა სამინისტროს საგარეო აქტივების კონტროლის ოფისის (OFAC) სანქციები შეეხებათ ერთ ფიზიკურ პირს და ოთხ დაწესებულებას.

სანქციების მიზეზად 9 აგვისტოს ბელარუსში ჩატარებული საპრეზიდენტო არჩევნების გაყალბებაში წვლილის შეტანა და დემოკრატიის მომხრე მშვიდობიანი აქციების ძალადობრივი დარბევა სახელდება.

კონკრეტულად კი სასანქციო სიაში მოხვდა ბელარუსის ცენტრალური საარჩევნო კომისია, მინსკის „ომონი“ ანუ სპეციალური დანიშნულების პოლიციის განყოფილება, მინსკის აღმასრულებელი კომიტეტის მთავარი შინაგან საქმეთა სამმართველო, ბელორუსის კგბ-ს ანტი-ტერორისტული ქვედანაყოფი "ალფა" და შინაგან საქმეთა მინისტრის მოადგილე და კრიმინალური პოლიციის უფროსი გენადი კაზაკევიჩი.

გავრცელებული განცხადების თანახმად, შესაბამისი სანქციები ითვალისწინებს ამ პირებისა და სტრუქტურების აშშ-ში ან ამერიკის მოქალაქეების კონტროლის ქვეშ არსებული ქონებრივი აქტივების გაყინვას. აშშ-ის მოქალაქეებს ეკრძალებათ სანქციების სიაში მოხვედრილ პირებთან ან ორგანიზაციებთან თანამშრომლობაც. ბრიუსელმა და ვაშინგტონმა ბელარუსში ჩატარებულ არჩევნებთან დაკავშირებით სანქციები აქამდეც გამოსცეს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო