უკრაინაში კოვიდინფიცირებულთა რიცხვმა 1 000 000-ს გადააჭარბა
ბოლო 24 საათის განმავლობაში უკრაინაში კორონავირუსი კიდევ 11 490 ადამიანს დაუდასტურდა და საერთო ჯამში ინფიცირებულთა რაოდნეობამ 1 001 132-ს მიაღწია.
ამ ინფორმაციას ქვეყნის ჯანდაცვის სამინისტრო ავრცელებს. ბოლო დღე-ღამის განმავლობაში უკრაინაში კორონავირუსს კიდევ 223 ადამიანი ემსხვერპლა და გარდაცვლილთა რიცხვმა 17 395-ს მიაღწია.
უკრაინაში კორონავირუსით დაინფიცირებული 631 000-ზე მეტი პაციენტი გამოჯანმრთელდა.
