გიორგი გახარია - RIA არის უაღრესად მნიშვნელოვანი დოკუმენტი, ის, როგორც ინსტრუმენტი გაძლიერდება და მისი გამოყენება იქნება სულ უფრო და უფრო აქტუალური

RIA არის უაღრესად მნიშვნელოვანი დოკუმენტი, განსაკუთრებით ქვეყანაში, სადაც სხვადასხვა მიმართულებებით, პირველ რიგში, ეკონომიკური, სოციალური მიმართულებებით ბევრი რეფორმა და ბევრი საკანონმდებლო ცვლილება ტარდება, - ამის შესახებ პრემიერ-მინისტრობის კანდიდატმა გიორგი გახარიამ პარლამენტის პლენარულ სხდომაზე სიტყვით გამოსვლისას, კითხვა-პასუხის რეჟიმში განაცხადა, რომელზეც დღეს კენჭს უყრიან მთავრობისთვის ნდობის გამოცხადების საკითხს.

მისივე თქმით, RIA - როგორც ინსტრუმენტი, გაძლიერდება და მისი გამოყენება იქნება სულ უფრო და უფრო აქტუალური.

„ეს უაღრესად მნიშვნელოვანი ინიციატივაა იმისთვის, რომ როგორც ძირითადი მოთამაშეების, ინტერესთა ჯგუფების ჩართულობაც და მათი ინტერესებიც იყოს გათვალისწინებული. განსაკუთრებით, ეკონომიკურ ნაწილში. ამიტომ, RIA, როგორც ინსტრუმენტი, გაძლიერდება, მისი გამოყენება იქნება სულ უფრო და უფრო აქტუალური, მაგრამ აქვე მინდა შემოგთავაზოთ, RIAარ ფარავს სამწუხაროდ საკანონმდებლო ორგანოს ინიციატივებს და საკანონმდებლო ორგანოს ინიციატივებიც RIA-მ უნდა გადაფაროს. 11 მთავრობის წევრია, გახდება 12 და თქვენ ხართ 150 და ხშირად ისეთი ინიციატივები იბადება, რომლის შემდგომ ინდივიდუალურ დონეზე ახსნა, რომ ან არ არის დროული, ან რისკების შემცველია, საკმაოდ რთულია, ამიტომ უნდა ავიღოთ ეს პასუხისმგებლობა და პარლამენტის მიერ ინიცირებულ საკანონმდებლო სიახლეებსაც RIA გავატაროთ. ვფიქრობ, ეს იქნება სამართლიანი. გეთანხმებით სრულად, რომ RIA, როგორც ინსტრუმენტი, უფრო ეფექტურად უნდა გამოვიყენოთ,“- განაცხადა პრემიერ-მინისტრობის კანდიდატმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო