გოჩა ლორთქიფანიძის განცხადებით, აგვისტოს ომზე ჰააგაში გამოძიება იმდენ ხანს გაგრძელდება, ვიდრე პროკურორის ოფისი ჩათვლის, რომ არსებობს საკმარისი და მყარი მტკიცებულებები საქმის სასამართლოში წასაღებად

იუსტიციის მინისტრის პოსტზე წარდგენილი გოჩა ლორთქიფანიძის განცხადებით, 2008 წლის აგვისტოს ომთან დაკავშირებით ჰააგის პროკურორის ოფისში წარმოებული გამოძიება იმდენ ხანს გაგრძელდება, როცა თავად პროკურორის ოფისი ჩათვლის, რომ არსებობს საკმარისი და მყარი მტკიცებულებები საქმის სასამართლოში წასაღებად.

როგორც ლორთქიფანიძემ პარლამენტის რიგგარეშე სხდომაზე განაცხადა, ყველა იმ პირის პასუხისმგებლობის საკითხი უნდა დადგეს, ვინც ქართველების წინააღმდეგ დანაშაული ჩაიდინა.

“გამოძიება 2016 წლის იანვარში დაიწყო, როცა პროკურორის ოფისს სასამართლომ ამისთვის ნებართვა მისცა. ჩვენ იმ მომენტში ხელშესახებ შედეგებს მივაღწიეთ, რადგან სასამართლომ სამი მნიშვნელოვანი მომენტი აღნიშნა: პირველი, 2008 წელს იყო სამხედრო კონფლიქტი რუსეთსა და საქართველოს შორის. მეორე, რუსეთი აკონტროლებდა ცხინვალის რეგიონს. მესამე, ცხინვალის რეგიონი საქართველოს განუყოფელი ნაწილია. ახლა, როდესაც ჩვენ პროკურორის ოფისთან ვთანამშრომლობთ, როგორც სტრასბურგში, ასევე საერთაშორისო სისხლის სამართლის სასამართლოში მტკიცებულებათა ერთ და იგივე ბაზას ვეყრდნობით. ეს არის 2013 წლიდან მოპოვებული და წარმოდგენილი 700-მდე მტკიცებულება, რომელიც მოიცავს აუდიო ფაილებს, განაღმვის მასალებს, სეისმური სადგურის ჩანაწერებს, უამრავ ფოტომასალას და ასევე რაკეტა “ისკანდერის“ ფრაგმენტებს. სწორედ ეს აძლევს შინაარს ჩვენს თანამშრომლობას პროკურორის ოფისთან, რათა ყველა იმ პირის პასუხისმგებლობის საკითხი დადგეს, ვინც ქართველების წინააღმდეგ დანაშაული ჩაიდინა“, - განაცხადა პარლამენტში გოჩა ლორთქიფანიძემ.

ცნობისთვის, პარლამენტში ნდობის მისაღებად მისულ მინისტრთა კაბინეტს უსმენენ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო