გიორგი გახარია საზღვრების დელიმიტაცია-დემარკაციის საკითხზე - ძირითადი ამოსავალი იქნება სწორი ბალანსი ქვეყნის ეროვნულ ინტერესებსა და კეთილმეზობლური ურთიერთობების შენარჩუნებას შორის

ძირითადი ამოსავალი იქნება სწორი ბალანსი პირველ რიგში ქვეყნის ეროვნულ ინტერესებსა და კეთილმეზობლური ურთიერთობების შენარჩუნებას შორის,- ამის შესახებ პრემიერ-მინისტრობის კანდიდატმა გიორგი გახარიამ საზღვრების დელიმიტაცია-დემარკაციის საკითხთან დაკავშირებით დასმული კითხვის საპასუხოდ, პარლამენტის პლენარულ სხდომაზე განაცხადა.

მისი თქმით, 2021 და 2022 წელი ამ მიმართულებით აქტიური იქნება.

„ყველა ნორმალური ქვეყნისთვის საზღვრის დელიმიტაცია-დემარკაცია არის სუვერენიტეტის, დამოუკიდებლობის, უსაფრთხოების ერთ-ერთი ყველაზე მნიშვნელოვანი კომპონენტი. რა თქმა უნდა, გონივრულია, რომ ეს ჩვენი მთავრობის პრიორიტეტი არის და დარჩება ამ 4 წლის განმავლობაშიც. მაგრამ ძირითადი ამოსავალი აქ იქნება სწორი ბალანსი პირველ რიგში ქვეყნის ეროვნულ ინტერესებსა და კეთილმეზობლური ურთიერთობების შენარჩუნებას შორის. ეს არ იქნება მარტივი, მაგრამ გპირდებით, რომ საგარეო საქმეთა სამინისტროს ფარგლებში არსებული კომისია, რომელიც ფარავს ამ საკითხებს, უაღესად აქტუალური იქნება და გახდება შემდგომი წლების განმავლობაში. ეს ყველაფერი საკმაოდ აქტიურად არის დაწყებული და 2021 წელი, ალბათ 2022 -იც იქნება ყველაზე აქტიური ამ მიმართულებით. ჩვენ თუ გვინდა მინიმუმამდე დავიყვანოთ რეგიონში რისკები, განსაკუთრებით მაშინ, როცა სულ ახალი და ახალი მოთამაშეები ჩნდებიან ჩვენს რეგიონში, საზღვრის დემარკაცია-დელიმიტაცია არის ერთ-ერთი საკითხი პოტენციურად დიდი რისკის შემცველი, ამიტომ ყველა ნორმალური მოთამაშე რეგიონში, მშვიდობისმოყვარე მოთამაშე დაინტერესებულია იმაში, რომ ეს პრობლემა სწრაფად მოგვარდეს, რა თქმა უნდა ეს არის პიველ რიგში ჩვენი ქვეყნის ეროვნული ინტერესები,“- განაცხადა გახარიამ.

ცნობისათვის, აღნიშნული საკითხით პარლამენტის პლენარულ სხდომაზე დეპუტატი ნიკოლოზ სამხარაძე დაინტერესდა. მან პრემიერ-მინისტრობის კანდიდატს ჰკითხა, რამდენად პრიორიტეტულია მისთვის და მისი მთავრობისთვის საზღვრების დელიმიტაციის საკითხი და რამდენად რეალისტურად ესახება, რომ მომავალი 4 წლის განმავლობაში საქართველომ როგორც ერთ, ასევე მეორე მეზობელთან საზღვრების შეთანხმება მოახერხოს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო