საქართველოს იუსტიციის მინისტრობის კანდიდატის გოჩა ლორთქიფანიძის განცხადებით, მე-10 მოწვევის პარლამენტი ერთპარტიული არაა, რადგან საქართველოს ამომრჩევლის ნებით 9 პარტიის არჩევა მოხდა. ამის შესახებ ლორთქიფანიძემ ჟურნალისტებთან განაცხადა.

ლორთქიფანიძემ იმედი გამოთქვა, რომ მომავალში ოპოზიციასთან დისკუსიის საშუალება ექნებათ.

"ეს არაა ერთპარტიული პარლამენტი, იმიტომ რომ 9 პარტია აირჩიეს და ეს საქართველოს ამომრჩევლების ნებით მოხდა. მე ძალიან დიდი იმედი მაქვს, რომ მომავალში მათ შორის იმ პოლიტიკურ ძალებთან ერთად, ვინც არ შემოდის პრალამენტში, საპარლამენტო განხილვის, დისკუსიის საშუალება გვექნება", - განაცხადა ლორთქიფანიძემ.