გოჩა ლორთქიფანიძე - ვიდრე სისხლის სამართლის საერთაშორისო სასამართლოს მოსამართლე გავხდები, გადავდგები იუსტიციის მინისტრის პოზიციიდან

სანამ მე მოსამართლე გავხდები, მე გადავდგები იუსტიციის მინისტრის პოზიციიდან,- ამის შესახებ იუსტიციის მინისტრობის კანდიდატმა გოჩა ლორთქიფანიძემ ჟურნალისტებთან საუბრისას განაცხადა.

გოჩა ლორთქიფანიძემ პრემიერ-მინისტრობის კანდიდატს, გიორგი გახარიას მადლობა გადაუხადა იმისთვის, რომ იუსტიციის მინისტრობის კანდიდატად წარადგინა.

„პრემიერობის კანდიდატს გადავუხდი მადლობას ორმაგი მხარდაჭერისთვის. ერთი ის, რომ მისი მხარდაჭერით ვსარგებლობდი საარჩევნო კამპანიის დროს. მეორე ის, რომ მან წარმადგინა ამ მთავრობის შემადგენლობაში იუსტიციის მინისტრობის კანდიდატად. რაც შეეხება ჰააგაში პროცესს, ამ მომენტისთვის, მე ვარ არჩეული მოსამართლე. არჩეულ მოსამართლესა და მოსამართლეს შორის ძალიან დიდი სხვაობაა იმ თვალსაზრისით, რომ მოსამართლე გავხდები მხოლოდ მაშინ, როდესაც ოფიციალურად შევუდგები უფლებამოსილების შესრულებას. ეს არის მრავალ ფაქტორზე დამოკიდებული, მათ შორის, იმ ვადაზე, რა ვადაშიც ჩეხი მოსამართლე დაამთავრებს თავის უფლებამოსილებას, შემდეგ ორგანიზაციული საკითხებია - სასამართლოს პრაქტიკიდან გამომდინარე საკითხებით როდის ჩანიშნავს სასამართლო ამ პროცესს, შემდეგ უკვე მომიწევს გამგზავრება, რა თქმა უნდა, სანამ მე მოსამართლე გავხდები მე გადავდგები იუსტიციის მინისტრის პოზიციიდან“,-განაცხადა ლორთქიფანიძემ.

ცნობისთვის, სისხლის სამართლის საერთაშორისო სასამართლოში აღმოსავლეთ ევროპის კვოტით წარდგენილ გოჩა ლორთქიფანიძის კანდიდატურას ხმა 76-მა დელეგატმა მისცა და ის ჰააგის მოსამართლე 9 წლის ვადით იქნება.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე