არ მჯერა იმ ე.წ. მედასავლეთეების, რომლებიც აშშ-ს ერთი ადმინისტრაციის გინების ფონზე, მეორე ადმინისტრაციის მოლოდინში, ფსევდომოლოდინების დამკვიდრებას ცდილობენ, - აღნიშნული განცხადება პარლამენტის ტრიბუნიდან ფრაქცია “ქართული ოცნების“ წარმომადგენელმა ირაკლი ჩიქოვანმა გააკეთა.

მან თქვა ისიც, რომ არ სჯერა ადამიანების, რომლებიც საკუთარ პოლიტიკურ პერსპექტივას ქვეყნის სტრატეგიული პარტნიორების გინებაზე ამყარებენ.

“საქართველოს აშშ-სთან სრატეგიული პარტნიორობა აქვს. ეს განპირობებული არ არის რომელიმე ადმინისტრაციით. ეს განპირობებულია ამერიკელი ხალხისა და ქართველი ხალხის მეგობრობით, საერთო კულტურული და მსოფლმხედველობითი მიზნებით, რაც დამყარებულია თავისუფლებასა და დემოკრატიაზე“, - განაცხადა ირაკლი ჩიქოვანმა.