რელიგიის საკითხთა სახელმწიფო სააგენტოს თავმჯდომარე, ირანის „ალ მუსტაფას უნივერსიტეტის“ წარმომადგენლებს შეხვდა

რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე ირანის ალ მუსტაფას უნივერსიტეტის წარმომადგენლებს შეხვდა.

სააგენტოს ცნობით, უნივერსიტეტის რექტორს, დავით ზარეს თანამდებობაზე ყოფნის ვადა ამოეწურა და რელიგიის სააგენტოს თავმჯდომარეს დასამშვიდობებლად ეწვია. ზაზა ვაშაყმაძემ კმაყოფილებით აღნიშნა დავით ზარეს თანამშრომლობა სააგენტოსთან და წარმატებები უსურვა შემდგომ საქმიანობაში.

რელიგიის საკითხთა სახელმწიფო სააგენტოს ინფორმაციით, ალ მუსტაფას უნივერსიტეტის ამჟამინდელმა რექტორმა, ჰასან იუსიფზადემ მადლობა გადაუხადა სააგენტოს ხელმძღვანელს მიღებისთვის და გამოთქვა რელიგიის სააგენტოსთან აქტიური თანამშრომლობის სურვილი. სტუმრებმა პანდემიის დასრულების შემდგომ სააგენტოს თავმჯდომარის ირანში ვიზიტის დაგეგმვა შესთავაზეს. შეხვედრა გაცნობით ხასიათს ატარებდა.

ალ მუსტაფას უნივერსიტეტი თეოლოგიური სასწავლებელია და მას ფილიალები სხვადასხვა ქვეყნებში, მათ შორის, საქართველოშიც აქვს.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა