მომავალი წლის პირველი ნახევარი კულტურის პრობლემების შესწავლის პერიოდად გამოვაცხადოთ, ხოლო დარჩენილი წელიწადი კულტურის წლად, - ამის შესახებ დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ პლენარულ სხდომაზე განაცხადა, სადაც მინისტრთა კაბინეტის ნდობის გამოცხადების საკითხს განიხილავდნენ.
მისივე თქმით, მიესალმება მთავრობის განზრახვას, რომ კულტურის სამინისტრო ისევ ცალკე სტრუქტურად გამოეყოს.
„ახლა საჭიროა ქართულ კულტურაში დაგროვილი პრობლემების შესწავლა რასაც ჰქვია, ინვენტარიზაცია და იქნებ რაღაც პერიოდის შემდეგ დავფიქრდეთ და მომავალი წლის პირველი ნახევარი გამოვაცხადოთ ამ პრობლემების შესწავლის პერიოდად, ხოლო დარჩენილი წელიწადი კი გამოვაცხადოთ კულტურის წლად", - განაცხადა ოდიშარიამ.