თამარ გაბუნიას განცხადებით, კორონავირუსის საწინააღმდეგო ვაქცინის მიღებამდე ქვეყანამ ვაქცინის დანერგვის გეგმა უნდა შეიმუშაოს

ჯანდაცვის მინისტრის მოადგილის, თამარ გაბუნიას განცხადებით, კორონავირუსის საწინააღმდეგო ვაქცინის მიღებამდე ქვეყანამ ვაქცინის დანერგვის გეგმა უნდა შეიმუშაოს.

როგორც მან უწყებათაშორისი საკოორდინაციო საბჭოს სხდომის დასრულების შემდეგ განაცხადა, საქართველო ვაქცინის პირველი დოზის მიღებასა და ვაქცინაციის დაწყებას მარტში ვარაუდობს.

„ვაქცინის მომწოდებლებიდან და ასევე დონორი ორგანიზაცებიდან პირველი მოთხოვნა იმისთვის, რომ ქვეყანამ ვაქცინა მიიღოს, არის ის, რომ ქვეყანას უნდა ჰქონდეს ვაქცინის დანერგვის გეგმა, რაც უნდა ითვალისწინებდეს ყველა იმ ასპექტს, რაც მოიცავს რეგულირებას, პერსონალს, ცივ ჯაჭვს და ა.შ. ამაზე მუშაობა მიდის დაგეგმის შემუშავება იანვრის ბოლოს დასრულდება. ამაში ჩართულია მსოფლიო ბანკი, ჯანმრთელობის მსოფლიო ორგანიზაცია, აზიის განვითარების ბანკი, ქართველი ექსპერტების ჯგუფი. ამ პირობას ჩვენ რა თქმა უნდა, შევასრულებთ. რაც შეეხება ცივ ჯაჭვს, საქართველოს დღესვე შეუძლია მიიღოს ვაქცინა და განახორიცელოს ვაქცინაცია იმ სამი ძირითადი ვაქცინით, რომელიც დღეს არის დაწინაურებული. საუბარია "ასტრაზენეკაზე", "ფაიზერსა" და "მოდერნაზე". ამის ტექნიკური შესაძლებლობა ქვეყანაში არსებობს. ვფიქრობთ, რომ მარტი არის ის რეალური დრო, რომელი დროც ჩვენ გვაქვს განსაზღვრული ვაქცინაციის დასაწყებად. მაინც ვცდილობთ, რომ უფრო ადრეც დავიწყოთ, თუკი ამის შესაძლებლობა მოგვეცემა.

"კოვაქსის" პლატფორმის საშუალებით ჩვენ შევიძინეთ 700 ათასი მოქალაქის ვაქცინაციისთვის განსაზღვრული საჭირო 1.4 მილიონი დოზა ვაქცინა, 16 მილიონ დოლარად. ნაწილი უკვე გადახდილია და ნაწილი უნდა გადავიხადოთ მას შემდეგ, რაც ვაქცინა შემოვა“, - განაცხადა გაბუნიამ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან