საქართველო ექვსი ქალაქისთვის 175 ავტობუსის შესაძენად EBRD-ისგან 19 მილიონ ევროს სესხულობს

საქართველო ექვსი ქალაქისთვის 175 ავტობუსის შესაძენად EBRD-ისგან 19 მილიონ ევროს სესხულობს.

როგორც ფინანსთა მინისტრის მოადგილე გიორგი კაკაურიძემ პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა, საქართველოს ურბანული ტრანსპორტის გაუმჯობესების პროგრამისთვის EBRD-მა 2019 წელს 17 მილიონი ევრო გამოყო, თუმცა აღნიშნული თანხა საკმარისი არ აღმოჩნდა და დონორთან დამატებით 2 მილიონი ევროს გამოყოფაზე მოხდა შეთანხმება.

„საქართველოსა და „ევროპის რეკონსტრუქციისა და განვითარების ბანკს“ შორის 2019 წლის 29 ნოემბერს გაფორმდა ხელშეკრულება, რომლის მიხედვითაც 17 მილიონი ევრო რუსთავის, ქუთაისის, გორის, ზუგდიდის, თელავისა და ფოთისთვის ავტობუსების შესაძენად გამოიყო, დაგეგმილი იყო 175 ავტობუსის შეძენა, თუმცა სატენდერო პროცედურები რომ დაიწყო აღმოჩნდა, რომ ეს თანხა საკმარისი არ იყო და დონორთან მოხდა შეთანხმება, რომ დამატებით 2 მილიონი ევროს, ანუ ჯამში 19 მილიონი ევროს გამოყოფა მოხდება“,-აღნიშნა მან.

მინისტრის მოადგილის ინფორმაციით, ავტობუსების ნაწილი უკვე შესყიდულია.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა