საფრანგეთში კორონავირუსის ახალი სახეობის პირველი შემთხვევა დადასტურდა.

საფრანგეთის ჯანდაცვის სამინისტროს ინფორმაციით, მამაკაცს, რომელიც 19 დეკემბერს საფრანგეთში ლონდონიდან ჩავიდა, კოვიდ 19-ის ახალი ვარიანტი დაუდასტურდა.

უწყებაში აცხადებენ, რომ ინფიცირებული თავს კარგად გრძნობს და თვითიზოლაციაში იმყოფება.

საფრანგეთში ბოლო 24 საათში კორონავირუსის 20 262 ახალი შემთხვევა დადასტურდა და 159 ადამიანი გარდაიცვალა. ქვეყანაში, პანდემიის დაწყების დროიდან, კოვიდ 19-ით ინფიცირების 2 547 771 შემთხვევაა გამოვლენილი, დაღუპულთა რიცხვი კი 62 427-ია.