გერმანიაში კორონავირუსის 14 455 ახალი შემთხვევა დადასტურდა და ინფიცირებულთა საერთო რაოდენობა 1 627 103-მდე გაიზარდა, - შესაბამის მონაცემებს „რობერტ კოხის ინსტიტუტი“ ავრცელებს.
ამავე მონაცემების თანახმად, ქვეყანაში ვირუსს კიდევ 240 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 29 422-ს მიაღწია.
გერმანიაში კორონავირუსის პანდემიასთან დაკავშირებული კარანტინის რეჟიმი გასული კვირის ოთხშაბათიდან გამკაცრდა. ქვეყანა Pfizer-BioNTech-ის ვაქცინის გამოყენებით კოვიდ 19-ის საწინააღმდეგო ვაქცინაციას ხვალიდან დაიწყებს.