ბერლინში დღეს დილით მომხდარი სროლის შედეგად ოთხი ადამიანი დაშავდა, - ამის შესახებ ინფორმაციას Reuters-ი ადგილობრივ პოლიციაზე დაყრდნობით ავრცელებს.

სააგენტოს ცნობით, ქალაქის პოლიციის პრესსპიკერმა დაადასტურა ინფორმაცია კრეუზბერგის რაიონში მომხდარი სროლის შესახებ, რომელშიც რამდენიმე პირი მონაწილეობდა.

ბერლინის სახანძრო სამსახური კი „ტვიტერში“ წერს, რომ ინციდენტის შედეგად სამი ადამიანი მძიმედ დაშავდა და ისინი საავადმყოფოში არიან გადაყვანილები.

მომხდარის შესახებ სხვა დეტალები ჯერჯერობით ცნობილი არ არის.