ესპანეთის დედაქალაქ მადრიდში კორონავირუსის ახალი ე.წ. „ბრიტანული“ ვარიანტით ინფიცირების ოთხი შემთხვევა დადასტურდა, - ამის შესახებ ინფორმაციას CNN-ი ავრცელებს.

ტელეკომპანიის ცნობით, ერთ-ერთი ინფიცირებული ესპანეთში დიდი ბრიტანეთიდან ჩავიდა. მოგვიანებით კი დაავადება მისი ოჯახის სამ წევრსაც დაუდასტურდა.

ინფიცირებულები მსუბუქი სიმპტომებით საავადმყოფოში არიან გადაყვანილები და მათი ჯანმრთელობის მდგომარეობა დამაკმაყოფილებელია.